Mos
Mos, enkona ka mawotci micikititc ota askik awesisak ka oteckanitcik. Kotc estakonik, pitoc icinakoniw opiwi, e makatewarik/ e osawarik nac e wapasaharik. E kinwaskokatetc, matci micta kicipataw kaie matci sipik nanipowiw.
Contents
Otitacikewin[edit | edit source]
Notcimik pa matisiw mos. E nipinik, wircike pa tacikew kaie pecotci sipik pa tacikew. E piponik, pa witci tacikemew mos owitci mosoma kitci ki matcihitisotc.
E ici rikihotc[edit | edit source]
E nicitana acitc nicwaso (28) pisimwesitc, aci matce onitcaniwiw. Kecpin tca e notockowatc aiapew onitcaniwa, tepirak peikw onitcaniwa orapamew. Kecpin tca aiapew e petowatc onitcaniwa, tekaci nama koctatciw. Kecpin tca e pinesotc onitcaniw, matci kata ki nictiriwa. Peiko pipona irikik pa nanosinehwewok manicicak otcotcomiwaw.
Omitcimim[edit | edit source]
Mackociriw mitciw mos. Kirowe nipiciriw, mackociriw wawatc kirika wikwasiriw acitc orakeskwa. Matci kirika nipi kitikaniw mitciw. E piponik, irinacit misaniw kirika wikwasiriw mitciw.
